काठमाडौँ :नेकपा दाहाल-नेपाल समूहले चौथो चरणको आन्दोलनअन्तर्गत आज टुँडिखेललाई मानव साङ्लोले घेर्ने कार्यक्रम तय भएको छ ।
प्रधानमन्त्री ओलीले असंबैधनिक कदम चालेपछि चौथो चरणको आन्दोलन घोषणा गरेपछि बुधबारदेखि आन्दोलनको घोषणा भएको हो । दोस्रोदिन सांकेतिकरूपमा दबाब दिन मानव साङ्लो बनाएर टुँडिखेल घेर्न लागिएको दाहाल-नेपाल समूहले जनाएको छ ।
अपराह्न ४ देखि ५ बजेसम्मको यो कार्यक्रममा १० हजार हाराहारी कार्यकर्ता सहभागी हुनेछन् । प्रधानमन्त्री केपी शर्मा ओलीको सिफारिसमा राष्ट्रपतिले प्रतिनिधिसभा विघटन गरेको कदमलाई ‘प्रतिगमन’ भन्दै दाहाल-नेपाल समूह पुस ५ पछि आन्दोलित छन् ।
प्रचण्ड नेपाल समूहले बुधबार ५ फागुनदेखि २१ फागुनसम्म चौथो चरणका कार्यक्रम सार्वजनिक गरेको हो ।
