काठमाडौं । राष्ट्रपति विद्यादेवी भण्डारीले नेकपा (एमाले) संसदीय दलका नेता केपी शर्मा ओलीलाई प्रधानमन्त्री पदमा पुनः नियुक्त गरेकी छन् ।
राष्ट्रपति भण्डारीले संविधानको धारा ७६ (३) अनुसार संसदको सबभन्दा ठूलो दलको संसदीय दलको नेता ओलीलाई प्रधानमन्त्रीमा नियुक्त गरेको बताइन् ।
प्रधानमन्त्री ओलीलाई शुक्रबार दिउँसो दुई बजे शपथ गराउने तयारी भइरहेको बताइएको छ । ओलीले बैशाख २७ गते संसदमा विश्वासको मत प्राप्त गर्न नसकेपछि स्वतः मन्त्री पदमुक्त भएका हुन् ।त्यसपछि बहुमतको सरकार बनाउन राष्ट्रपतिले दिएको ३ दिनको समयमा कसैको पनि दाबी नपरेपछि ओली पुनः प्रधानमन्त्री नियुक्त भएका हुन ।