दैलेखका सबै पालीकामा कांग्रेस अबिधेशन सकियो

महिलाको नेतृत्व भने भएन

खगेन्द्र राना मगर ११ आश्विन २०७८, सोमबार १८:३७

दैलेख । अबिधेशन सम्पन्न हुन बाकी रहेको दैलेखको भैरवी गाउपालीकामा पनि सोमबार अबिधेसन सम्पन्न भएसंगै दैलेखका ११ वटै पालीकामा नेपाली कांग्रेसको पालीका स्तरीय अबिधेशन सम्पन्न भएका छन ।

भैरवी गाउपालीकाको नेपाली कांग्रेसको सभापतिमा हेमलाल जैसी बिजयी हुनुभएको छ । जैसीले आफ्ना प्रतिस्पर्धी कमल थापालाई पराजित गर्दै सभापतिमा निर्वाचीत हुनुभएको हो ।

जिल्लाका ५ पालीकामा गत शनीबार अबिधेशन सम्पन्न भएको थियो भने अन्य ५ पालीकामा आइतबार र बाकी रहेको भैरवी गाउपालीकामा आज सोमवार अबिधेसन सम्पन्न भएकोे हो ।

नेपाली कांग्रेसको आसन्न १४ औँ महाधिवेशनका लागि भएको दैलेखमा भएको गाउँ तथा नगर अधिवेशनमा कुनै पनि पालीकामा महिला नेतृत्व भने नभएको पाईएको छ ।

गुटगत हिसाव नमिल्दा सबै पालीकामा सर्वसम्मत हुन नसकेको र चुनाव गर्नुपरेको कांग्रेसले दैलेखले जनाएको छ ।

दैलेखका सबै पालीकामा नया नेतृत्व चयन भएको छ । चयन भएकामध्य ४ नगरपालिका र ७ वटा गाउँपालिका छन् । निर्वाचन सम्पन्न भएका स्थानीय तहमा निर्वाचित भएको नेतृत्व हेर्दा महिलाको सहभागिता शून्य छ ।

११ स्थानीय तहमा निर्वाचन सम्पन्न हुँदा कहीँ पनि महिला नेतृत्वमा नआएको निर्वाचन समितिले जनाएको छ । सर्वसम्मत नेतृत्व चयन भएका पालिकामा महिलाको नाम नै उच्चारण भएन भने निर्वाचन भएका पालिकामा पनि महिला प्रतिस्पर्धाका लागि तयार देखिएनन् ।

दैलेखका सबैजसो पालीकाहरुमा महिला नेतृत्वमा नआउनुले पार्टीमा पनि पुरुषकै वर्चस्व देखिएको छ ।

सभापति मात्रै होइन उपसभापति, सचिव र सहसचिव पदमासमेत महिलाको सहभागिता न्यून छ । गत भदौ १८ गते भएको वडा अधिवेशनमा भने ९० वडामा निर्विरोध नेतृत्व चयन भएको थियो ।

युवावर्गलाई नेतृत्वमा ल्याउन १९ वर्षको उम्मेरमा दुल्लु नगरपालिका– ३ की स्वस्तीका महतलाई वडा सभापति बनाएको कांग्रेसको पालिकामा भने महिला नेतृत्व बिहीन बनेको छ । नेतृत्वमा महिला नआउनु दुर्भाग्य भएको महिला अधिकारकर्मीले बताएका छन् ।

सम्पन्न ११ पालीकाको निर्वाचन परिणाम अनुसार दुल्लु नगरपालिकाको सभापतिमा लाल बहादुर रावत निर्विरोध चयन हुनुभएको छ ।

चामुण्डाविन्द्रासैनि नगरपालिकामा जगत शाही, ठाँटिकाध गाउँपालिकामा विष्णुप्रसाद रिजाल, आठबिस नगरपालिकामा अर्जुन बहादुर शाही, नारायण नगरपालिकामा मनोज थापा, महावु गाउँपालिकामा कर्णबहादुर शाही, नौमुले गाउँपालिकामा, गंग बहादुर शाही, भगवतिमाई गाउँपालिकामा, खगेन्द्र बहादुर शाही, डुगेश्वर गाउँपालिकामा भिम बहादुर भट्ट र गुँरास गाउँपालिकामा चन्द्रप्रसाद भट्टराई र भैरवी गाउपालीकामा हेमलाल जैसी सभापति बन्न् भएको छ ।

Next Post

एकीकृत समाजबादी पार्टीको १०५ सदस्यीय दूल्लु नगर कमीटि गठन ।।

११ आश्विन २०७८, सोमबार १८:३७
दैलेख । नेकपा एकीकृत समाजबादी पार्टी जिल्ला कमिटी दैलेखले आफ्ना मातहतका सबै पालिकाहरुमा कमीटि गठन तथा भेलाको कार्यक्रमलाई तिब्र बनाएको छ । पालीका स्तरीय भेलाको क्रममा सोमवार जिल्लाको दुल्लु नगरपालीकामा भेला सम्पन्न भएको छ । भेलावाट भिम प्रशाद शर्माको अध्यक्षतामा १ सय ५सदस्यीय दुल्लु नगर कमीटि गठन गरिएको बताईएको छ […]