मुगु । मुगुको गमगढीस्थित खाद्य व्यवस्था तथा व्यापार कम्पनीको जग्गा ओगटेर स्थानीयले व्यापार प्रयोजनका लागि बनाएका काठका अस्थायी टहरा हटाइएको छ ।
गत पुस १ गत सर्वदलीय बैठकले कम्पनीको माथिपट्टि जग्गा ओगटेर स्थानीयले व्यापार प्रयोजनको निम्ती बनाएका २३ वटा काठका टहरा जनपथ प्रहरी सशस्त्र प्रहरी र नगर प्रहरीले हटाएका छन् ।
गत पुस १ गते सर्वपक्षीय बैठकले ६५ दिनको अवधि तोकेर स्थानीयलाई टहरा हटाउन निर्देशन जारी गरेपनि स्थानीयले अटेर गर्न थालेपछि प्रहरी लगाएर हटाउनुपर्ने अवस्था आएको प्रमुख जिल्ला अधिकारी रोमबहादुर महतले बताउनुभयो ।
टहरा हटाएर कम्पनीको जग्गा खाली गर्न पटकपटक सूचना जारी गर्नुका साथै माइकिङ गर्दा पनि वास्ता नगरेपछि बल प्रयोग गर्नुपरेको प्रमुख जिल्ला अधिकारीको भनाइ छ ।
सुरक्षाकर्मी औजार लिएर टहरा भत्काउन सुरु गरेपछि स्थानीय आफैं आएर समान ओसार्दै टहरा भत्काएर काठ, जस्तापाता लगेको सुरक्षाकर्मीको भनाइ छ ।