हुम्ला । चीनसँग सीमा जोडिएको नाम्खा गाउँपालिकाका सबै सामुदायिक विद्यालयमा वैशाखभित्र ब्रोडल्यान्ड इन्टरनेट जडान हुने भएको छ । नेपाल दूरसञ्चार प्राधिकरणले सबै विद्यालयमा इन्टरनेट जोड्ने गरी काम थालेको हो ।
इन्टरनेट जडान गर्न प्राधिकरण र गाउँपालिकाबीच सम्झौता भइसकेको छ । १७ वटा सामुदायिक विद्यालयमा ब्रोडल्यान्ड इन्टरनेट जडानका लागि कामहरू थालिएको गाउँपालिकाका प्रमुख प्रशासकीय अधिकृत धर्मराज न्यौपानेले बताउनुभयो ।
उहाका अनुसार अहिले नाम्खाका कुनै पनि विद्यालयमा इन्टरनेट सेवाको पहुँच छैन । वैशाख ३० को स्थानीय तहको निर्वाचनको मतदान केन्द्र विद्यालयमै हुने भएकोले त्यसअघि नै इन्टरनेट जडान भइसक्ने उहाले जानकारी दिनुभयो ।
‘भौगोलिक हिसाबले कठिन भूगोल भएकाले अधिकांश गाउँमा टेलिफोन सेवा भरपर्दो छैन,’ उहाले भन्न्ुभयोे, ‘हिमपातको बेला गाउँहरू सम्पर्कविहीन हुने गरेकाले पनि सबै बस्तीमा इन्टरनेट पु¥याउन लागिएको हो ।’