जुम्ला । जुम्लामा शनिबार बेलुका परेको असिनापानीले स्याउ खेतीमा क्षति पु¥याएको छ । सिंजाको जोडु, रुघा, काँडागाउँ, भाडगाउँ, फुंग्रा र शनिगाउँमा असिनापानीले स्याउखेतीमा क्षति पु¥याएको हो ।
केही स्याउमा स–साना दाना लागिसकेको र केही बिरुवामा चिचिला पलाउँदै गिरेको अवश्थामा असिनाले स्याउ खेती सखाप बनाएको सिंजा ६ का विज्ञान बुढाले बताउनुभयो ।
हावाहुरीसँगै आएको असिनापानीले वर्षभरिको दुःख खेर गएको किसानले दुखेसो पोखेका छन् । बगैंचाभरि स्याउका दाना र चिचिला मात्रै झरेका छन् । स्याउका बोट रित्तिएका छन् । बूढाका अनुसार असिनापानीले जिल्लाका अधिकांश किसानको स्याउ बगैँचामा धेरै मात्रामा क्षति पुगेको छ ।
स्याउ बीमा गरेका किसानलाई केही सहज भएपनि अन्य किसानलाई जीविकोपार्जनमा समस्या हुनेसमेत देखिएको छ । स्याउ मात्र होइन असिनाले तरकारी बालीसमेत नष्ट गरेको छ ।