दैलेख : मालपोत कार्यालय दैलेखमा घुस रकम लिने दुई जनालाई अख्तियारको टोलीले रंगेहात पक्राउ गरेको छ । सेवाग्राहीबाट बारम्बार घुस माग्ने दुई जनालाई अख्तियार दुरुपयोग अनुसन्धान आयोग सुर्खेतको टोलीले आज पक्राउ गरेको हो ।
सेवाग्राहीको उजूरीको आधारमा उनीहरुलाई पक्राउ गरेको र उनिहरुको नाम भने नखुलेको अख्तियार दुरुपयोग अनुसन्धान आयोग सुर्खेतका सूचना अधकिारी मेघनाथ सापकोटाले बताएका छन् ।
उनीहरुलाइ आज साँझ सवा पाँच बजे नियन्त्रणमा लिएको सापकोटाको भनाई छ । ‘दुई जनालाई घेरा हालेर नियन्त्रणमा लिएको हो’ सापकोटाले भने, ‘घुस रकम र पक्राउ पर्नेहरु कर्मचारी मात्रै हुन् वा दलाल पनि हुन भन्ने केही खुलेकाे छैन् ।’
टाेलीले मुचुल्का उठाइरहेकाले केही बेरमा घटनाकाे विस्तृत विवरण सार्वजनिक गरिने सापकाेटाले जनाएका छन ।
