मङ्सिर १७ देखि पालिकाको केन्द्रबाट मतदाता नामावली सङ्कलन गरिने

कर्णालीदृष्टी संवाददाता ७ मंसिर २०७८, मंगलवार ०६:५३

काठमाण्डौ । निर्वाचन आयोगले आउँदो १७ गतेदेखि पालिकाहरूको केन्द्रबाट मतदाता नामावली सङ्कलन गर्ने भएको छ । अहिले सबै जिल्ला निर्वाचन कार्यालय, जिल्ला प्रशासन कार्यालय र ४० वटा इलाका प्रशासन कार्यालयबाट मतदाता नामावलीका लागि नाम दर्ता तथा फोटो खिचाउने काम गरिरहेको आयोगले मङ्सिर १७ देखि पालिकाको केन्द्रमा टोली पठाएर नामावली सङ्कलन गर्न लागेको हो ।

हिमाली र पहाडी जिल्लाका पालिकामा १० दिन र तराईका जिल्लामा १५ दिनसम्म टोली रहनेछ । निर्वाचन आयोगले इलाका प्रशासन कार्यालय रहेका ६ सय ३७ पालिकामा टोली पठाउन लागेको प्रवक्ता शालिग्राम शर्मा पौडेलले जानकारी दिनुभयो ।

यसैबीच आयोगले १६ वर्ष उमेर पूरा भइ नेपाली नागरिकता प्राप्त गरेका सबैलाई नाम दर्ता गराउन आग्रह गरेको छ । मतदाता नामावलीमा १८ वर्ष पूरा भएपछि मात्र नाम समावेश हुने भएपनि आयोगले १६ बर्ष पुगेका सबैको नाम दर्ता गराउँदै आएको छ ।

यस्तै मङ्सिर १७ गतेदेखि आफ्नो नागरिकता भएको भन्दा अर्को जिल्लाबाट पनि नामावली सङ्कलन गर्न सकिने आयोगले जनाएको छ ।

Next Post

काङ्ग्रेस महाधिबेशन अन्तर्गत दैलेखका दुवै क्षेत्रमा मतादान सम्पन्न

७ मंसिर २०७८, मंगलवार ०६:५३
नेपाली काङ्ग्रेसको १४ अाै महाधिवेशन अन्तरगत दैलेखका दुई वटै निर्वाचन क्षेत्रमा मङ्गलबार भएकाे मतादान सकिएकाे छ । दुईवटा निर्वाचन क्षेत्र रहेकाे दैलेखमा निर्वाचन क्षेत्र नं. १ मा कुल आठ सय ४० मध्ये ८११ मत खसेकाे छ भने निर्वाचन क्षेत्र नं. २ मा सात सय ७६ मध्ये सात सय ५६ मत […]

सम्बन्धित समाचार