दैलेख । नेपाली कांग्रेसको दैलेख जिल्ला कार्यसमिति चयनका लागि भएको निर्वाचनको अहिले मत गणना जारी छ । मत गणना जारी रहँदा मत परिणाम समेत सार्वजनिक भईरहेको छ ।
यो समाचार तयारपार्दा सम्मको ताजा मत परिणम अनूसार झण्डै १ हजार मत गणना हुँदा जिल्ला सभापतिका उम्मेदवार मणिराम रेग्मीले ४८७ मत प्राप्त गर्दै अग्रता कायम राख्नुभएको छ । यस्तै सभापतिका अर्का प्रत्यासी घनश्याम भण्डारीले ४६१ मत पाप्त गर्नुभएको छ ।
नयाँ कार्यसमिति चयनका हिजो शनीबार भएको निर्वाचनमा कुल १ हजार ५ सय ९४ मध्ये १ हजार ५ सय ५९ मत खसेको थियो । दैलेख सदरमुकामको गणेशचोकस्थित गणेश मन्दिर परिषरमा रहेको योग भवनमा अहिले मतगणना भैरहेको छ ।
नेपाली काँग्रेसको १४ औँ महाधिवेशन अन्तरगर्त भएको जिल्ला अधिवेशनमा जिल्ला कार्य समिति चयनका लागि संस्थापन ( सभापति शेरबहादुर देउवा पक्ष) र संस्थापन इतर ( बरिष्ठ नेता रामचन्द्र पौडेल पक्ष) चुनावी प्रतिस्पर्धामा उत्रिएका हुन् ।
दैलेख जिल्लाको कांग्रेस सभापतिका लागि संस्थापन समुहका घनश्याम भण्डारी र सस्थापनईतर समुहका मणिराम रेग्मी मैदानमा छन् ।
