सुर्खेत । नेपाली काँग्रेस कर्णाली प्रदेशको सभापतिमा ललितजंग शाही विजयी हुनुभएको छ । उहाले प्रतिस्पर्धी भुपेन्द्रजंग शाहीलाई १०५ मतान्तरले हराउँदै प्रदेश सभापतिमा ललितजंग विजयी हुनुभएको हो ।
पराजित सभापतिका उम्मेद्वारद्वय भुपेन्द्रजंगले ३ सय १७ मत र मोतीराज बमले ७ मत प्राप्त गर्नुभएको छ । विजयी शाही संस्थापन पक्षका हुनुहुन्छ ।
पराजित भएका भुपेन्द्रजंग संस्थापनईतर (वरिष्ठ नेता रामचन्द पौडेल) समुहका हुनुहुन्छ भने मोतीराज पार्टी उपसभापति विमलेन्द्र निधी समुहका हुनुहुन्छ ।
खसेको कुल ७५४ मत मध्ये ८ मत बदर भएको छ । सभापति बाहेकका अन्य पदाधिकारी तथा सदस्यहरुको मतगणना जारी रहेको निर्वाचन समितिले जनाएको छ ।
