दैलेख । आयुर्वेद स्वास्थ्य केन्द्र दैलेखले जिल्लाका बिभीन्न बिद्यालयमा अध्यनरत विद्यार्थिलाई आयुर्वेद तथा योग शिक्षा प्रदान गरेको छ ।
माध्यामिक शिक्षा अध्ययन गर्ने विद्यार्थीहरुलाई आयुर्वेद सम्वन्धि ज्ञान दिन कर्णाली प्रदेश सरकार सामाजिक विकास मन्त्रालयको कार्यक्रम अनुसार जिल्लाका ३ वटा बिद्यालयमा आयुर्वेद स्वास्थ्य केन्द्र दैलेखले विद्यालय आयुर्वेद तथा योग शिक्षा कार्यक्रम गरेको हो ।
मंसिर १८ गतेबाट सुरु भएको कार्यक्रम १९ गते जयदेवी माध्यमिक विद्यालय दुल्लु, २१ गते पंचकोशी ज्वाला माध्यमिक विद्यालय गमौडी र २३ गते रेडक्रस माध्यमिक विद्यालय भूर्तिमा कार्यक्रम गरी आयुर्वेद शिक्षा सम्बन्धी जानकारी गराईएको आयुर्वेद स्वास्थ्य केन्द्र दैलेखका निमित्त कार्यालय प्रमुख रामप्रसाद महत्तोले जानकारी दिनुभयो ।
तिन वटा विद्यालयका करीव २५० जना विद्यार्थीहरुलाई आयुर्वेदको परिचय, आयुर्वेद औषधिको बारेमा जानकारी, योग शिक्षा, जडिवुटीबारेमा जानकारी, दिनचर्या र रात्रिचर्या, ऋतुचर्या, आहार शैली र आयुर्वेदीय जीवनशैली तथा जडीबुटीको बारेमा जानकारी गराईएको स्वास्थ्य केन्द्र दैलेखका डा. प्रज्ञा उपाध्यायले जानकारी दिनुभयो ।
