दैलेख । दैलेखको महाबु गाउँपालिका वर्ड नं ४ फागुमा जिप दुर्घटनाम हुदा एक जनाको मृत्यु भएको छ भने ६ जना घाइते भएका छन ।
मङ्गलबार सदरमुकाम दैलेखबजार देखि महाबु गाउपालिकाको कासिकध तर्फ जाँदै गरेको बागमती प्रदेश ०१०२६ च ५२६६ नम्बरको बोलेरो जिप साझ साढे छ बजेतिर दुर्घटना हुँदा एक जनाको घटना स्थलमै मृत्यु भएको गैडावाज प्रहरी चौकिका हवल्दार दिपेन्द्र सिंहले जानकारी दिनुभयो ।
उहाका अनुसार मृत्यु हुनेमा महाबु गाउँपालिका वडा नम्बर ५ गडिगाउ घर भई सोहि ठाउँमा रहेको शिव आधारभुत बिद्यालयका प्रध्यानाध्यापक ४० बर्षीय राम बहादुर हमाल रहेको प्रहरीले जनाएको छ ।
दुर्घटनामा परि गम्भीर घाइते भएका अन्य ६ जनालाई थप उपचारको लगि जिल्ला अस्पताल दैलेखमा ल्याईएकोे छ । जीप अनियन्त्रित भई सडकबाट एक सय मिटर तल खसेको प्रहरीले जनाएको छ ।
