काठमाडौँ । बलात्कार आरोपित नेकपा एमालेका सांसद मोहन बानियाँ पक्राउ परेका छन् । सांसद बानियाँलाई सोमबार साँझ नेपालगञ्ज विमानस्थलबाट पक्राउ गरेको जिल्ला प्रह्री कार्यालय बाँकले जनाएको छ ।
सांसद बानियाँमाथि जुम्लाकी एक ४० वर्षीया शिक्षिकालाई जबर्जस्ती करणी गरेको आरोपमा बाँके प्रहरी कार्यालयमा गत माघ २७ गते उजुरी दर्ता भएको थियो ।
फागुन ४ गते जिल्ला अदालत बाँकेले उनीविरूद्ध पक्राउ पुर्जी जारी गरेको थियो । यद्यपि उनलाई प्रहरीले पक्राउ गर्न सकेको थिएन । उनी मुगुबाट प्रतिनिधिसभाका समानुपातिक सांसद हुन् ।