सुर्खेत । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले प्रतिनिधि सभाबाट पारित गरिएको व्याख्यात्मक अमेरिकी मिलेनियम च्यालेञ्ज कार्पोरेसन (एमसीसी) लाज ढाग्ने टालो भएको टिप्पणी गर्नुभएको छ ।
आमसभालाई सम्बोन्धन गर्न सुर्खेत आइपुगेका अध्यक्ष लिङ्देनले एमसीसीलाई गठबन्धन दलहरुले सरकारमा बसिराख्ने अस्त्रको रुपमा प्रयोग गरेको आरोप समेत लगाउनु भएको हो ।
‘देशका प्रमुख राजनीतिक दलहरुले वैदेशिक सम्बन्धलाई सत्ता आरोहरणको सिँढीको रुपमा जुन प्रयोग गर्ने चेष्टा गरे र सत्तामा बसिराखेकाहरुले सत्तामै बसिराख्ने लिसोको रुपमा प्रयोग गरेको लिङ्देनले बताउनुभयो ।
यस्तो आलोकाँचो व्यवहारले नेपाल शक्ति राष्ट्रहरुको रणनीतिक प्रतिस्पर्धास्थलमा परिणत भएको बताउै अध्यक्ष लिङदेनले एमसीसी बारेको विवादलाई छिनोफानो नगर्दा विवाद र विभाजन जनताको तहसम्म पुगेको टिप्पणि गर्नुभयो ।
उहाले एमसीसी माथिको व्याख्यात्मक टिप्पणिले कालातन्तरमा देशलाई नोक्सानीतर्फ लैजाने उल्लेख गर्नुभयो । पार्टी विभाजनको विषयमा भने लिङ्देनले राजनीतिकलाई पेशा व्यवसाय मान्नेहरु बाहिरिएको र पार्टीलाई देशको सर्वोत्तम माध्यम ठान्नेहरु राप्रपामा आउने टिप्पणि गर्नुभयो ।
राप्रपाले चुनाव जितेका क्षेत्रमा जनताका आधारभूत आवश्यकताहरु पूरा गर्नमा कटिवद्ध रहेको लिङ्देनले बताउनुभयो । संविधानको परिधिभित्र रहने राज संस्थाको मुद्दा लिएर जनता माझ जान लागेको लिङ्देनको भनाई छ ।
राष्ट्रिय प्रजातन्त्र पार्टी (राप्रपा)को बृहत आमासभा शुरू भएको छ । कर्णाली प्रदेशको राजधानी वीरेन्द्रन्गरको सुर्खेतमा शनिबार दिउँसो साढे एक बजेबाट कार्यक्रम शुरू भएको हो ।
राप्रपा अध्यक्ष राजेन्द्र लिङ्देनसहित पुर्व अध्यक्ष डाक्टर प्रकाशचन्द्र लोहनी, उपाध्यक्ष एवं पुर्व मन्त्री बिक्रम पाण्डे, उपाध्यक्ष मुकुन्दश्याम गिरी, महामन्त्री एवं नेपालगन्ज उपमहानगरपालिका मेयर धवलसम्शेर राणा, महामन्त्री कुन्ती शाही, प्रवक्ता ज्ञानेन्द्र शाही लगायतका नेताहरुसंगै आम सभामा हजारौंको मात्रामा कार्यक्रताको उपस्थिति रहेको छ ।
