दैलेख । कर्णाली प्रदेश सरकारका आन्तरिक मामिला तथा कानून मन्त्री हिमबहादुर शाहीले दैलेखको पञ्चकोशी क्षेत्रको विकासका लागि पञ्चकोशी क्षेत्र विकास कोष स्थापना गर्न पहल भईरहेको बताउनुभएको छ ।
प्रेस युनियन दैलेखले आइतवार दैलेख सदरमुकाममा आयोजना गरेको पत्रकार भेटघाट कार्यक्रममा मन्त्री शाहीले यस्तो बताउनुभएको हो ।
उहाले दैलेख जिल्लाको शान्ति सुरक्षाका हिसावले आवश्यकता परेको स्थानमा अस्थायी प्रहरी चौकी स्थापनाको प्रक्रिया अघि बढेको समेत बताउनुभयो । अर्को प्रसंगमा मन्त्री शाहीले ठाटीकाँध गाउँपालिकाका पहिरो पीडितलाई राहत उपलब्ध गराउने प्रक्रिया अघि बढेको जानकारी दिनुभयो ।
मन्त्री शाहीले लोकतान्त्रीक प्रणालीको न्यायपालिका, कार्यपालिका, व्यवस्थापिका र संचार भरपर्दो र विश्वसनियताका खम्बा रहेको उल्लेख गर्नुभयो ।
