सुर्खेत । नेपाली काँग्रेसका महामन्त्री गगन थापाले हाल कायम रहेको सत्ता गठबन्धन र चुनावी तालमेल फरक विषय भएको बताउनुभएको छ ।
सुर्खेत आएका महामन्त्री थापाले सञ्चारकर्मीसँग कुरा गर्दै अन्य पार्टीहरुले बाहिर चर्चा जे गरेपनि चुनावबारे निर्णय गर्ने अधिकार काँग्रेसमा निहित रहेको बताउनुभएको हो ।
अहिलेको आवश्यकतामा यो गठबन्धनले स्थानीय तहको निर्वाचन गराउने भन्नेमा अलमल छैन र तालमेलसँग यसले कुनै खास अर्थ नराख्ने थापाले उल्लेख गर्नुभयो ।
सबै नेताहरु निर्वाचनमा तालमेल गर्ने वा नगर्ने भन्ने विषयमा स्थानीय स्तरमा खटिएकाले उनीहरुको मतका आधारमा एकीन धारणा पार्टीले बनाउने थापाले स्पष्ट पार्नुभयो ।
आगामी बैशाखमा हुन लागेको स्थानीय तहको निर्वाचनमा केन्द्रीय मुद्दाभन्दा स्थानीय स्तरमा आवश्यक एजेण्डाहरु जनतामाझ लैजाने महामन्त्री थापाले उल्लेख गर्नुभयो ।
