जुम्ला । नेपालको हिमालय क्षेत्रको सबैभन्दा ठुलो २७० किलोमिटर लामो धौलिगाड बृहत खानेपानी आयोजनाको शिलान्यास गरिएको छ । सङ्घीय सरकारका खानेपानी मन्त्री उमाकान्त चौधरीले आयोजनाको शिलान्यास गर्नुभएको हो ।
खानेपानी सरसफाई सबडिभिजन कार्यालय जुम्लाको मैदानमा उहाँले धौलिगाड खानेपानी आयोजनाको शिलान्यास गर्नुभएको हो । मन्त्री चौधरीले धौलिगाड खानेपानी आयोजना नेपालको अर्को मेलम्ची भएको बताउनुभयो ।
काठमाण्डौको मेलम्ची चैत मसान्तभित्र सञ्चालनमा आउने र जुम्लाको धौलिगाड बृहत खानेपानी आयोजनामा साढे दुई बर्षमै सकिने उहाँले बताउनुभयो । बृहत धौलिगाड खानेपानी आयोजनाको १३ बर्षदेखि पहल अघि बढेको थियो ।
एक अर्ब २६ करोड लागतमा निर्माण हुन लागेको यो आयोजनाले साढे दुई बर्षभित्र स्थानीयको घरघरमा खानेपानीको पहुँच पु¥याउने लक्ष्य राखेको छ ।
जुम्लाबासीलाई अढाइ बर्षभित्रै धौलिगाडको पानी खुवाउने प्रतिवद्धता मन्त्री चौधरीले व्यक्त गर्नुभयो । शिक्षा,स्वास्थ्य खानेपानीमा राजनीति नगर्न आग्रह गर्दै मन्त्री चौधरीले विकास निर्माणमा सबैको होतमालो आवश्यक रहेकोमा जोड दिनुभयो ।
आयोजना निर्माण लागत १ अर्ब २६ करोड ८ लाख ४ सय ९० रूपैयाँ छ ।
