मुगु । सरकारले मुगुको राष्ट्रिय भूमि आयोग अध्यक्षमा लाल चन्द विश्वकर्मालाई नियुक्ति गरेको छ । त्यसैगरी विज्ञ सदस्यमा लोकेन्द्र मल्ल, महिला सदस्यमा भनकला ऐडी नियुक्त हुनुभएको छ ।
उक्त आयोगमा प्रमुख जिल्ला अधिकारी, समन्वय अधिकारी, डिभिजन वन प्रमुख सदस्य र नापी कार्यालय प्रमुख सदस्य सचिव रहने व्यवस्था छ ।
जिल्ला समन्वय समितिको कार्यालयमा आयोगको कार्यालय स्थापना गरी कामकाज अघि बढाइएको छ । सुकुम्बासी दलित भूमिहीन व्यक्तिको लगत संकलन गरी चाँडै लालपूर्जा वितरण गरिने आयोगका अध्यक्ष विश्वकर्माले बताउनुभयो । कुरा भन्दा पनि काम गरेर देखाउँदा आयोगप्रति विश्वास बढ्ने उहाको भनाइ छ ।
आयोगको काम चुस्त दुरुस्त र पारदर्शिता रहने सदस्य सचिव विनिता शाहीले बताउनुभयो । मुगुका भूमिहीन व्यक्तिले लालपूर्जा वितरण गरी जग्गाको स्वामित्व अनुभव गराइने उहाको भनाइ थियो ।
