सुर्खेत । भारतमा जारी त्रिकोणात्मक टी–२० सिरिजमा नेपालले लगातार दोस्रो जीत निकालेको छ । नेपालले मंगलबार भएको खेलमा भारतीय स्टेट टीम बरोडालाई २७ रनले पराजित गरेको हो ।
नेपालले दिएको १५७ रनको लक्ष्य पछ्याएको बरोडा २० ओभरमा १२९ मा समेटिएको हो । बरोडाका लागि भानु पानियाले ३८ र बाबा खानले २७ रन बनाए पनि जीत निकाल्न सकेनन् । नेपालको जीतमा करण केसीले ३, सोमपाल कामी र अविनाश बोहोराले २(२, गुलशन झा र दीपेन्द्रसिंह ऐरीले समान १(१ विकेट लिए ।
त्यसअघि टस हारेर पहिला ब्याटिङ गरेको नेपालले निर्धारित २० ओभरमा ६ विकेट गुमाउँदै १५६ रन बनाएको थियो । नेपालका लागि कुशल मल्लले अविजित ४० रनको सर्वाधिक इनिङ खेले । बरोडाका लागि बाबा खानले २, परीक्षित पतिडर र मोहित मोङ्गियाले समान १(१ विकेट लिए ।
नेपालले तेस्रो खेल भोलि गुजरातसँग खेल्नेछ । पहिलो खेलमा नेपालले गुजरातलाई ८ विकेटले हराएको थियो ।
