सुर्खेत ।सुर्खेतका एकजना पत्रकारको मोटरसाइकल दुर्घटनामा परी निधन भएको छ।,आइतबार सुर्खेत–दैलेख सडकखण्ड अन्तर्गत कपासे नजिक मोटरसाईकल र बिपरित दिशाबाट आएको मिनी ट्रक ठोक्कीदा मोटरसाईकल चालक वीरेन्द्रनगर ११ का खिमप्रसाद पोखरेलको उपचारको क्रममा निधन भएको जिल्ला ट्राफिक प्रहरी कार्यालय सुर्खेतका प्रमुख उपेन्द्र आचार्यले जानकारी दिए ।
दैलेखतर्फ जाँदै गरेको भे १ क ९१३ नम्बरको ट्रक र वीरेन्द्रनगरतर्फ आउँदै गरेको पोखरेल सवार लु ६६ प २८२३ नम्बरको मोटरसाईकल एक आपसमा ठोक्किएका थियो।
दुर्घटना पश्चात् घाइते हुनुभएका पोखरेलको देउती अस्पताल सुर्खेतमा उपचारको क्रममा निधन भएको हो।
दुर्घटनापछि मिनी ट्रक र चालक वीरेन्द्र रावललाई प्रहरीले नियन्त्रणमा लिएको छ।
पोखरेल राष्ट्रीय संचार अनलाइनमा कार्यरत थिए ।
पत्रकार महासंघ शाखा सुर्खेतद्वारा शाेक विज्ञप्ति जारी
पत्रकार पाेखरेलकाे निधनप्रति नेपाल पत्रकार महासंघ शाखा सुर्खेतले शाेक विज्ञप्ती जारी गरेकाे छ ।,आइतबार राती पाेखरेलकाे सवारी दुर्घटना परि निधन भएकाेप्रति महासंघले दुःख व्यक्त गरेकाे हाे ।
साथै, दुर्घटनाकाे छानविन गरि दाेषिलाइ कारबाही र पीडित परिवारलाइ उचित क्षतिपुर्ती उपलब्ध गराउन पनि महासंघले माग गरेकाे छ ।
पत्रकार महासंघ शाखा सुर्खेतद्वारा जारी शोक विज्ञप्ति :
