कर्णाली प्रदेशमा कोरोना संक्रमितको संख्या ५ हजार नाघेको छ।
पछिल्लो २४ घण्टामा थप १ सय १० जनामा कोरोना संक्रमण पुष्टि भएसङ्गै कोरोना संक्रमितको जम्मा संख्या ५ हजार ३५ पुगेको सामाजिक बिकास मन्त्रालय अन्तर्गतको स्वास्थ्य सेवा महाशाखाले जानकारी दिएको छ।
पछिल्लो २४ घण्टामा कोरोना पुष्टि हुनेमा सुर्खेतका ५८ जना,दैलेखका २५ जना, जुम्लाका ९ जना, सल्यानका ७ जना,कालिकोट र रुकुम पश्चिमका १/१ जना र अन्य प्रदेशका ९ जना रहेका छन।
त्यस्तै,कर्णालीमा पछिल्लो १ दिनमा कोरोना निको भई ५० जना डिस्चार्ज भए सङ्गै कर्णालीमा कोरोना निको भएर डिस्चार्ज हुनेको संख्या ३ हजार ७ सय २८ पुगेको छ।
हाल कर्णालीमा कोरोनाका सक्रिय कोरोना संक्रमितको संख्या १ हजार १ सय ७२ रहेको छ भने प्रदेशमा १३ जनाको कोरोना संक्रमणबाट मृत्यु भएको छ।
कर्णालीमा कोरोना संक्रमितको संख्या ५ हजार नाघ्यो ।
कर्णाली दृष्टि संवाददाता सुर्खेत,
१ कार्तिक २०७७, शनिबार २३:१९
