काठमाडौँ — कांग्रेसका संस्थापनबाहेकका जिल्ला सभापतिहरूले क्रियाशील सदस्यता वितरण पारदर्शी र निष्पक्ष नभए भदौ ८ गतेदेखि पार्टी केन्द्रीय कार्यालय सानेपामा धर्ना र अनशन सुरु गर्ने चेतावनी दिएका छन् ।
राजधानीमा उपलब्ध जिल्ला सभापतिहरूको शनिबार बसेको बैठकले आफ्ना माग सम्बोधनका लागि पार्टी सभापति तथा प्रधानमन्त्री शेरबहादुर देउवालाई ३ दिनको अल्टिमेटम दिएका छन् । सभापतिलाई सम्बोधन गरेर इमेलमार्फत पठाइएको चेतावनी पत्रमा क्रियाशील सदस्यता वितरणमा धाँधली गरिएको, पारदर्शिता नपनाइएको र ७७ वटै जिल्लामा सभापतिहरूको एउटै प्रक्रियाबाट चुनाव हुनुपर्नेमा त्यसो नगरिएको जनाएका छन् ।
‘वडा तहमा निर्णय भई आएका नाम हटाउने, ठाडै केन्द्रबाट जथाभावी नाम थप्ने र झिक्ने तथा शतप्रतिशतभन्दा बढी नाम इन्ट्री गर्नेजस्ता धाँधलीजन्य गतिविधि रोक्न निरन्तर आग्रह गर्दै रह्यौं,’ जिल्ला सभापतिहरूले बुझाएको पत्रमा उल्लेख छ । कान्तिपुर वाट
