काठमाडौँ । नवनियुक्त सहरी विकासमन्त्री रामकुमारी झाँक्रीले ’बजेट फ्रिज गरेको सुन्नु नपरोस भनी कर्मचारीहरूलाई निर्देशन दिनुभएको छ ।
शुक्रबार पदभार ग्रहणपछि मन्त्री झाँक्रीले सम्पूर्ण क्षमता लगाएर काम गर्नुपर्ने भन्दै बजेट फिर्ता पठाउने अवस्था नआओस भन्ने भनाई राख्नुभएको हो ।
भन्ने भन्दा धेरै सुन्ने, सुन्नेभन्दा धेरै गर्ने हो । के काम गर्न सकिन्छ गरौं, कर्मचारीहरूलाई निर्देशन दिँदै मन्त्री झाँक्रीले भन्नुभयो, सहरी विकास मन्त्रालयले बजेट समर्पण ग¥यो भन्ने सुन्नु नपरोस् ।
मन्त्रालयका अधिकारी र मातहतका विभाग तथा आयोजना प्रमुखहरूलाई आफ्नो काम र योजनाबारे लिखितमा ब्रिफिङ गर्न पनि मन्त्री झाँक्रीले निर्देशन दिनुभएको छ ।
मन्त्रालयमा बसेर कामको प्रगतिबारे ब्रिफिङ गर्नुभन्दा पनि काम भइरहेका कार्यालयमा नै गएर ब्रिफिङ लिने पनि उहाले बताउनुभयो ।
मन्त्रालयमा हुने ब्रिफिङमा मलाई बुँदागत रूपमा लिखितमा दिनुपर्ने बताउदै झाक्रीले मन्त्रालयमा ब्रिफिङ गर्नुभन्दा पनि काम भइरहेका कार्यालयहरूमा ब्रिफिङ गर्नुपर्छ, छिटो गर्नुपर्नेमा जोड दिनुभयो ।
