देशभर चिसो बढ्यो दैनिक १ देखि २ डिग्री सेल्सियस तापक्रम घट्दै

कर्णालीदृष्टी संवाददाता १३ कार्तिक २०७८, शनिबार १६:५०

काठमाण्डौ – काठमाण्डौ उपत्यकासहित देशभर चिसो बढेको छ । हिजो काठमाण्डौ उपत्यकाको न्यूनतम तापक्रम १२ दशमलव एक डिग्री रहेकोमा आज १० दशमलव ६ डिग्रीमा झरेको छ ।

काठमाण्डौ उपत्यकासहित देशभर औसतमा दैनिक एकदेखि दुई डिग्री सेल्सियससम्म तापक्रम घट्न थालेको जल तथा मौसम विज्ञान विभागले जनाएको छ । अब चिसो निरन्तर बढ्दै जाने विभागका मौसमविद् शान्ती कँडेलले बताउनुभयो ।

दिउँसोपख घाम लागे पनि बिहान र बेलुका चिसो महसुस हुने गरेको छ । महाशाखाका अनुसार नेपाली वायुमण्डलमा पश्चिमी वायुको प्रभावसँगै जाडोयाम शुरु हुन्छ । केही दिनअघिदेखि दिउँसोको तापक्रमसमेत दुईदेखि तीन डिग्री सेल्सियसका दरले घटिरहेको छ ।

अहिले देशको पहाडी तथा हिमाली भूभागमा आंशिक बदली र बाँकी भूभाग मौसम सामान्यतया सफा रहेको छ । उच्च पहाडी तथा हिमाली भूभागका एक वा दुई स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।

आज सबैभन्दा कम जुम्लाको न्यूनतम तापक्रम दुई डिग्री र सबैभन्दा धेरै जनकपुरको अधिकतम तापक्रम ३१ डिग्री सेल्सियस रहेको छ ।

Next Post

ध्रुबतारा सञ्चार सहकारीको साधारण सभा तथा अधिबेशन सम्पन्न, अध्यक्षमा नन्दकिशोर बस्नेत

१३ कार्तिक २०७८, शनिबार १६:५०
दैलेख । ध्रुबतारा सञ्चार सहकारी संस्था लिमीटेड दैलेखको १२ औं साधारण सभा तथा दोस्रो अधिवेशन सम्पन्न भएको छ । शनीबार दैलेखमा सम्पन्न अधिवेशनले ध्रुबतारा सञ्चार सहकारीद्धारा सन्चालित ध्रुबतारा सामुदायिक एफ.एम. लाई अँझै प्रभावकारी रुपमा सञ्चालनका लागि बिभिन्न नीति पारित गरेको छ । साधारण सभा तथा अधिबेशनबाट सस्थाको अध्यक्षमा सर्वसहमत रुपमा […]