सुर्खेत – कर्णाली प्रदेशका मुख्यमन्त्री महेन्द्रबहादुर शाहीले राजीनामा दिनुभएकाे छ । उहाँले आज सोमवार प्रदेशवासीका नाममा सम्बाेधन गर्दै मुख्यमन्त्री पदबाट राजीनामा दिनुभएकाे हाे ।
गएको वैशाख २ गते मुख्यमन्त्री शाहीले विश्वासको मत लिँदा माओवादी र कांग्रेसले सरकार आलोपालो चलाउने सहमति गरेका थिए । त्यहीअनुसार मुख्यमन्त्री शाहीले राजीनामा दिनुभएकाे हाे ।
त्यतिबेला नेपाली कांग्रेस र अहिले सरकार चलाइरहेकाे नेकपा माओवादी केन्द्रबीच प्रदेशमा सरकार पालैपालाे चलाउने सहमति भएको थियो। माओवादीले बढीमा कात्तिक १५ गतेसम्म सरकार चलाउने र त्यसपछि कांग्रेसले नेतृत्व लिने सहमति भएको थियो।
त्यही सहमतिअनुसार अब कांग्रेसका जीवनबहादुर शाही मुख्यमन्त्री बन्नु हुनेछ ।
