दैलेख । दैलेखको महावू गाउपालीका वडा नम्बर २ वडाखोलामा प्रथम वडा अध्यक्ष कप भलिबल प्रतियोगिता सम्पन्न भएको छ । महाबू गाउपालीका वडा नम्बर २ को आयोजनामा यही कात्र्तीक १४ गतेबाट सूरु भएको प्रतियोगीता मंगलबार सम्पन्न भएको हो ।
नेपालीहरुको दोश्रो ठुलो पर्व शुभ दिपावलीको अवसरमा आयोजित प्रथम वडा अध्यक्ष कप भलिबल प्रतियोगितामा ९ वटा समुहले सहभागीता जनाएका थिए ।
सहभागी खेलाडीहरु
प्रतियोगितामा आयोजक बडाखोलाको समुह प्रथम हुदै रु २० हजार नगद पुरस्कार हात पार्न सफल भएको छ । यस्तै गिताचौर युथ क्लब दोश्रो हुदै रु १५ हजार रुपैयाँ पुरस्कार प्राप्त गरेको छ ।
तेश्रो स्थान हासील गर्न सफल भएको खरीगैरा युथ क्लबले रु १० हजार पुरस्कार पाएको छ भने चौथो हुन सफल ज्वाला युवा क्लब वासीलाई रु ५ हजार पुरस्कार प्रदान गरिएको आयोजक समितीका संयोजक सुरेन्द्र गूरुङ्ले जानकारी दिए ।
उनका अनुसार आयोजक बडाखोलाका खेलाडी उत्कृष्ट खेलाडी समेत बन्न सफल भएका थिए ।
