नेपालगन्ज । बाँकेका किसानले उत्पादन गरेको धान सरकारी खरिद प्रक्रियामा अझै केही समय लाग्ने भएको छ । धान खरिद प्रक्रिया कार्तिकको अन्त्यतिर शुरु हुने भनिएपनि केन्द्रबाट परिपत्र नआएकाले अझै १ हप्ता ढिलो गरी शुरु हुने भएको हो ।
गत वर्ष मंसिरको दोश्रो सातामा धान खरिद गरिएको थियो र अहिले पनि लगभग त्यही समयमा नै प्रक्रिया शुरु हुने सम्भावना रहेको खाद्य व्यवस्था तथा व्यापार कम्पनी लिमिटेड नेपालगन्ज शाखा प्रमुख रामबहादुर विष्टले जानकारी दिनुभयो ।
सरकारले यसअघि नै धानको मूल्य निर्धारण गरिसकेको छ । समयमै सरकारले धानको मूल्य सार्वजनिक गरे पनि धान खरिद प्रक्रियामा ढिलाइ हुँदा किसानहरु मर्कामा परेको गुनासो गरेका छन् ।
