दैलेख : जिल्लाको गुराँस गाउँपालिकाको जिरो पोइन्ट नजिक बान्द्रे भन्ने ठाउँमा बा ४ ख ६७७१ नम्बरको टिप्पर दुर्घटना हुँदा २ जनाको घटनास्थलमै ज्यान गएको छ भने १ जना गम्भिर घाइते भएका छन ।
घाइतेलाई उपचारको लागि सुर्खेत लगिएको जिल्ला प्रहरी कार्यालय दैलेखका प्रमुख प्रहरी नायब उपरिक्षक अनुपम श्रेष्ठले जानकारी दिएका छन् । टिप्पर सडकबाट करीब ३०० मिटर तल खसेको श्रेष्ठले बताए ।
यस्तै सुर्खेतबाट जम्बुकाँध जाँदै गरेको ना ३ ख ५५१९ नम्बरको यात्रुबाहक बस डुङ्गेश्वर गाउँपालिकाको तल्लो डुङ्गेश्वरमा दुर्घटना हुँदा चालकको मृत्यू भएको छ । मृतक वीरेन्द्रनगर नगरपालिकाका निबासी ललित नेपाली रहेका छन् ।
बसमा सवार २ जना यात्रु गम्भिर घाईते भएका छन भने १२ जना घाइते भएका छन् । गम्भिर घाइते भएका २ जनालाइ उपचारको लागि सुर्खेत लगिएको डि एस पि श्रेष्ठले जाानकारी दिए ।
