दैलेख । गत मंसिर १४ गतेबाट हराएका दैलेखको दुल्लु नगरपालिका–७ का उपेन्द्रमान श्रेष्ठको शव फेला परेको छ ।
गएको मंसिर १४ गते दुल्लुबाट सुर्खेत हिडका ३६ वर्षीय श्रेष्ठको तल्लोडुंगेश्वर सियाकोट सडक खण्डको गुराँस गाउँपालिका–२ जकत्रे खोलामा सडकबाट अन्दाजी दुईसय मिटर तल शव फेला परेको दैलेख प्रहरीले जनाएको छ ।
प्रहरी र आफन्तले खोजी गर्ने क्रममा आईतबार विहान उनको शब फेला परेको दैलेख प्रहरी प्रमुख भुवेश्वर साहले बताउनुभयो ।
श्रेष्ठको शव नजिकै फेला परेको कर्णाली प्रदेश ०२ प ६६५८ नम्बरको मोटरसाईकल समेत प्रहरीले बरामद गरेको छ । घटना के कारणले भएको भन्ने एकीन भएको छैन । घटनाबारे थप अनुसन्धान भइरहेको र शव पोष्टमार्टमका लागि जिल्ला अस्पताल दैलेख ल्याएको प्रहरी प्रमुख साहले बताउनुभयो ।
