दैलेख । नेकपा एमाले दैलेखको नया नेतृत्व चयनका लागी मंगलबार भएको निर्वाचनमा खसेको भन्दा ३१ मत बढी भेटिएपछि बिवाद भएको छ । मतदान गरेका जम्मा मतदाताभन्दा ३१ वटा बढी मतपत्र मतपेटिका भित्र फेला परेपछि अध्यक्ष मण्डल नैतिक प्रश्नको घेरामा परेको हो ।
यस्तो कसरी कहाँबाट भयो भन्ने विषय अहिलेसम्म कुनै तथ्य खुलेको छैन । मंगरबार भएको निर्वाचनमा कुल ७२१ प्रतिनीधिमध्ये जम्मा ७१७ मत खसेको थियो ।
तर मत गणना सूरु गर्ने समयमा मतपेटिका खोल्दा ७४८ मत भेटिएपछि निर्वाचन मण्डलको कार्यक्षमता माथि गम्भीर प्रश्न उठेको छ । अब केन्द्रीय निर्वाचन आयोगको छानबिन पछि मात्र थप प्रक्रिया अघि बढाउने बताइएको छ ।
मत गणनाको काम स्थगीत गरि छानबिनको माग अघि सारिएको एमाले पोलिट्व्यूरो सदस्य तथा दैलेख जिल्ला इन्चार्ज लक्ष्मीप्रसाद पोखरेलले जानकारी दिनुभयो ।
यसैबिच नेकपा एमाले दैलेखको शुक्रबारदेखी सूरु भएको सातौ जिल्ला अधिबेशनको लगातार ५ दिन पछि भएको निर्वाचनमा देखा परेका कमीजोरीबारे आज (बुधबार बिहान पत्रकार सम्मेलन हुदैछ ।
दैलेख सदरमुकाममा बिहान ८ बजे हुने पत्रकार सम्मेलनमा दैलेखका ११ स्थानीय तह पार्टी कमिटी प्रमुख,पत्रकार लगाएतलाई उपस्थितिका लागि अनुरोध गरिएको छ ।