तनहुँ । तनहुँको बन्दीपुर गाउँपालिका–६ धरमपानीमा शुक्रबार साँझ जिप दुर्घटना हुँदा ४ जनाको मृत्यु भएको छ ।
धरमपानीस्थित हटिया भन्ने ठाउँमा जिप दुर्घटना हुँदा चार जनाको घटनास्थलमै मृत्यु भएको जिल्ला प्रहरी कार्यालय तनहुँले जनाएको छ ।
जिपमा १२ जना चढेका प्रहरी नायब उपरीक्षक युवराज खड्काले जानकारी दिनुभयो । घाइते भएकालाई उद्धार गरी बन्दीपुर अस्पताल पठाइएको उहाले बताउनुभयो ।
मृत्यु भएकाको सनाखत हुन नसकेको प्रहरीले जनाएको छ । ग १ ज ६५५५ नम्बरको जिप अनियन्त्रित भई भीरबाट तल खसेको थियो ।
