सुर्खेत । कर्णाली प्रदेश सरकारले चालु आर्थिक वर्षमा गोठालो भत्ता दिने तयारी गरेको छ । कर्णाली प्रदेशका हिमाली जिल्ला कालीकोट, जुम्ला, हुम्ला, मुगु र डोल्पामा व्यवसायीक रुपमा भेडा पाल्दै आएका किसानलाइ गोठालो भत्ता निर्णय तयारी गरिएको हो ।
५० भन्दा बढी भेडाबाख्रा पाल्ने किसानलाई मासिक एक हजार ५ सय गोठालो भत्ता पाउने कर्णाली प्रदेश सरकारले निर्णय गरेको भूमि व्यवस्था, कृषि तथा सहकारी मन्त्रालयका सुचना अधिकारी रामभक्त अधिकारीले जानकारी दिनुभयो ।
५० भन्दा बढी भेडाबाख्रा पाल्ने किसानको लगत सङ्कलन भइरहेको र लगत सङ्कलन भएपछि ५० भन्दा बढी भेडाबाख्रा पाल्ने किसानले वार्षिक एकमुष्ट १८ हजार रुपैयाँ पाउने उहाँले बताउनुभयो । कालीकोटको पचालझरना गाउँपालिकाले भने पशुपालक किसानलाई गोठालो भत्ता दिँदै आएको छ ।