म आफ्नै मित्र त हो, छल किन गर्नुहुन्छ ।
आउनुहोस् कुरा गरम, मिस्कल किन गर्नुहुन्छ ।।
उठाउने बाहानामा नधकेल्नुस महोदय ।
म आफै ढलेको छु , बल किन गर्नुहुन्छ ।।
मुखले मात्र ठिक्क पार्ने माखो मार्न सक्या हैन ।
उहाँहरू संसद भित्र छलफल किन गर्नुहुन्छ ।।
लुट्न सम्म लुटेका छन लुट्नेको नै राज चल्छ ।
छाड्नुस अब सब्बल गैटी , गल किन गर्नुहुन्छ ।।
बैठक बस्ने भत्ता खाने सत्य बाहिर आउने हैन ।
भाको के हो भनिदिनुस आलटाल किन गर्नुहुन्छ ।।
- प्रेम थापा
भैरवी गाउँपालिका -५, दैलेख