काठमाडौं : विगत लामो समय देखि साहित्य तथा गीतसंगीतमा लागेका साहित्यकार सुरेन्द्र महर्जन’अमर’ को आँखा झिमिक्क पारेर गीतको म्युजिक भिडियो सार्वजनिक भएको छ ।
साहित्यकार सुरेन्द्र महर्जन’अमर’ को रचनामा संगीतकार सन्तोष श्रेष्ठको संगीतमा रहेको गीत ‘आँखा झिमिक्क पारेर’ गीतको म्युजिक भिडियो काठमाडौंको बिजुलिबजार स्थीत कार्निवल रेष्टो एण्ड मिटिङ रेष्टुरेन्टमा एक कार्यक्रमका विच सार्वजनिक गरिएको छ ।
कार्यक्रममा गीतकार निर्देशक ,कलाकार लगायतले गीतको बारेमा चर्चा गरिएको छ ।संगीतकार सन्तोष श्रेष्ठ र अस्मिता अधिकारीको स्वर रहेको उक्त भिडियोले सबैको मन जित्ने देखिन्छ ।
कलाकारहरूमा हरिश निरौला (कक्रोज), सुमन ज्योति (ल्याग्री दादा) आयुषा कटुवाल र पुजा उप्रेतीको अत्यन्त राम्रो अभिनय रहेको छ । सुलभ घिमिरेद्वारा एरेन्ज गरिए र वान स्टुडियोमा रेकर्डिङ गरिएको हो ।
आँखा झिमिक्क पारेर गीतको म्युजिक भिडियो सुरेश थापा (दर्शने ) ले निर्देशन गरेका छन । ओएसनेपालको आयोजनामा आयोजित कार्यक्रममा विवेक कार्कीको सभापतित्वमा सम्पन्न भएको थियो भने कार्यक्रम दिनेश थानीले संञ्चालन गरेका थिए ।
साहित्यकार तथा गीतकार महर्जनले यस भन्दा अघि थुप्रै गीतहरु बजारमा आएका छन् भने उनका साहित्यिक कृति पनि लगभग तीन दर्जन भन्दा बढी प्रकाशित भैसकेका छन् ।
हेर्नुहोस भिडियो :
