जुम्ला । पशु अस्पताल तथा सेवा कार्यालय जुम्लाले महिला उद्यमीलाई दूध ट्याङ्कर उपलब्ध गराएको छ। महिला उद्यमीको सहजका लागि पशु अस्पताल तथा सेवा कार्यालयले अनुदानमा दूध ट्याङ्कर उपलब्ध गराएको हो।
उक्त कार्यालयले ५० प्रतिशत अनुदानमा हिमाली डेरी उद्योगकी सञ्चालक मनकोइला धिताललाई ट्याङ्कर उपलब्ध गराएपछि अब दूध बोकेर बजारसम्म लैजानुपर्ने बाध्यता हटेको पशु अस्पताल तथा सेवा कार्यालय जुम्लाका प्रमुख गोविन्दबहादुर महतले बताउनुभयो ।
उहाका अनुसार एक हजार लिटरसम्म दूध बोक्न सक्ने क्षमताको ट्याङ्कर उपलब्ध गराइएको हो । प्रमुख महतले दुग्ध ट्याङ्करले दूध उत्पादन बढाउन प्रोत्साहन गर्ने अपेक्षा गरिएको बताउनुभयो ।
३० लाख ६० हजार मूल्यको ट्याङ्कर ५० प्रतिशत अनुदानमा उपलब्ध गराएको हो। महतका अनुसार कृषि सामग्री ढुवानी, प्राराकेट शुरु दूध ट्याङ्कर दिइएको हो।
