दैलेख । मतदाता नामावलीमा नाम भएका तर हाल मृत्यू भैसकेका दैलेखका दुई हजार ६० जनाको नाम नामावलीबाट हटाईएकोे छ ।
स्थानीय पञ्जीकाधीकारीबाट प्राप्त विवरण बमोजीम दैलेखका ११ वटै पालीकाहरुबाट गरि कुल २ हजार ६० जनाको नामावलीबाट(नाम) हटाईएको जिल्ला निर्वाचन कार्यालय दैलेखले जनाएको छ ।
जसअनुसार जिल्लाको आठबिस नगरपालीकाका ७६, गुराँस गाउपालीकाका १७१, नौमुले गाउपालीकाका २ सय ५७, नारायण नगरपालीकाका २ सय ३० र दुल्लु नगरपालीकाका ३ सय ३६ जना मतदाता नामावलीमा नाम भएका तर हाल मृत्यू भईसकेका व्यक्तीहरुको नाम हटाईएको जिल्ला निर्वाचन अधिकारी मनमाया काउचाले जानकारी दिनुभयो ।
यस्तै महाबू गाउपालीकाका २ सय ८६, भगवतीमाई गाउपालीकाका ४६, भैरवी गाउपालीकाका १ सय ३२, ठाटीकाँध गाउपालीकाका १ सय ६, डुङ्गेश्वर गाउपालीकाका ६१ र चामुण्डा बिन्द्रासैनि नगरपालीकाका ३ सय ५९ जना गरि जिल्लाभरबाट कुल २ हजार ६० जना मृत्यू भैैसकेका व्यक्तीहरुको मतदाता नामावलीबाट नाम हटाईएको हो ।
आगामी बैशाख ३० मा आसन्न स्थानीय तह निर्वाचनको मिती तोकीएसंगै निर्वाचन कार्यालयले आफ्ना तयारीहरुलाई तिब्र बनाएको जिल्ला निर्वाचन अधिकारी काउचाको भनाई छ ।
आगामी स्थानीय तह निर्वानमा भाग लिन मतदाता नामावली अनिवार्य भएपछि जिल्ला निर्वाचन कार्यालय दैलेखले उमेर पुगेका सबै नागरिकलाई मतदाता नामावली बनाउन आग्रह गरेको थियो ।
जिल्लामा अन्तीम नामावली तयार गर्ने प्रयोजनका लागी कार्यालयले यहि फागून १९ देखी २६ गतेसम्म मतदाता नामावली अद्यावधीक तथा दावी विरोधका लागी सुचना समेत निकालेको थियो ।
सोही क्रममा जिल्लाका ५९ जना मतदाताहरुको नामावलीमा रहेको त्रुटी सच्याईएको र ५१ जनाको दोहोरो परेको मतदाता नावली हटाईएको जिल्ला निर्वाभन कार्यालय दैलेखले जानकारी दिएको छ ।
कार्यालयका अनूसार हाल जिल्लामा मतदाता नामावलीमा नाम दर्ता गराएका कुल मतदाताको सङख्या १ लाख ६१ हजार १ सय २० रहेको छ ।
