दैलेख । दैलेखको नौमुले गाउपालीका वडा नम्बर ६ स्थित शिवशक्ती मँध्यामिक बिद्यालयमा “प्रजनन स्वास्थ्यमा बालविवाह तथा श्रम उन्मुलन” सम्बन्धी १ दिने अभिमुखीकरण तालीम सम्पन्न भएको छ ।
नौमुले गाउपालीका अन्र्तरगत महिला बिकास शाखाको आयोजनामा उक्त १ दिने अभिमुखीकरण तालीम सम्पन्न भएको बताईएको छ ।
शिवशक्ती माध्यामिक बिद्यालयमा कक्षा ९ र १० मा अध्यनरत ६३ जना किशोर किशोरीहरुको सहभागीतामा अभिमुखीकरण तालीम सम्पन्न गरिएको हो ।
बिद्यालयका शिक्षक नरेन्द्र शाहीको अध्यक्षतामा भएको उक्त अभिमुखीकरण तालीममा नौमुले गाउपालीकाका नायव सुब्वा कृष्ण ढकालले प्रजनन स्वास्थ्य र बालविवाह तथा श्रम उन्मुलन सम्बन्धी बिभीन्न शिर्षकमा किशोर–किशोरीहरुलाई प्रशिक्षण दिनुभएको थियो ।
यस्तै उक्त अभिमुखीकरण तालीममा महिला हिंसा रोकथाम तथा बालवालीकाका हित सम्बन्धी जनचेतना मुलक सन्देश पनि प्रदान गरिएको थियो ।
