दैलेख : महाबु गाउँपालिकाको सिमाना भिर्खेत हुँदै डुङ्री, बडाखोला, खरिगैरा, गैडाबाज सम्मको सडक कालोपत्रे निर्माण कार्यको शिलान्यास भएको छ ।
बिहिवार बिहान सडक निर्माण कार्यको सिलन्यास कार्यक्रममा संघिय माननीय अम्मर बहादुर थापा र प्रदेश माननीय कृष्ण कुमार बि.सि. को हातबाट शिलान्यास भएको हो। उक्त सडक निर्माण सिलन्यास कार्यक्रममा महाबु गाउँपालिका उपाध्यक्ष मन्जु शर्मा पाण्डे पुर्व गाउँपालिका अध्यक्ष जंगबहादुर शाही वडा नं. २ का वडा अध्यक्ष प्रकाश राज थापालगायत गाउँपालिकाका प्रमुख प्रशासकीय अधिकृत उदय राज उपाध्याय, लेखा अधिकृत खगेन्द्र कुमार बि.सि. लगाएत स्थानिय बुद्धिजिबि र सरोकार वाला सबैको उपस्थितमा शिलान्यास कार्य भएको थियो।
हाल पहिलो चरणमा सडक निर्माणको काम खरिगैरा स्वास्थ्य चौकी सम्म कालो पत्रे हुने, र गैडाबाज सम्म स्तरोन्नति कार्य हुने भएको छ । शिलान्यास कार्यक्रममा बोल्दै संघ र प्रदेश माननीयले प्रदेश सरकार र केन्द्र सरकार संग पहल गरेर बाकी कामपनी निर्माण गर्ने बताएका छन् ।
