प्रधानमन्त्री ओली आज निर्वाचन आयोग जाँदै:आफूहरु नै आधिकारिक नेकपा भएको दाबी गर्ने

कर्णालीदृष्टि
कर्णाली दृष्टि संवादाता २७ माघ २०७७, मंगलवार ०८:१७

काठमाडौं :प्रधानमन्त्री केपी शर्मा ओली आज निर्वाचन आयोगको कार्यालय जानेभएकाछन।नेकपा विवाद र निर्वाचनको तयारीका विषयमा छलफल गर्न आयोगले यही माघ १६ गते नेकपाका दुवै पक्षलाई बोलाएको थियो ।

प्रचण्ड-माधव नेपाल पक्ष आयोगको कार्यालय पुगेर आधिकारिकता दाबी गरे पनि प्रधानमन्त्रीसमेत रहेका ओली गएका थिएनन् । उनी आज बिहान ११ बजे आयोगको कार्यालय जाने उनको सचिवालय स्रोतले बतायो ।

नेकपाका दुवै खेमाका नेताहरुले आफूहरु मूल पार्टी रहेको दाबी गर्दै आएका छन् । तर, आयोगले दुवै पक्षको दाबी नपुगेको जनाउँदै आएको छ ।

प्रधानमन्त्री ओलीले आयोग कार्यालयमा पुगेर आफूहरु नै आधिकारिक नेकपा भएको दाबी गर्नेछन् । साथै उनले आगामी मध्यावधि निर्वाचनको तयारीबारे जानकारीसमेत लिने बताइएको छ ।

गत पुस ५ गते प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गर्दै आगामी बैशाख १७ र २७ गते निर्वाचन मिति घोषणा गरेकी थिइन् ।

संसद विघटन लगत्तै नेकपा विभाजित भएको थियो । एउटा खेमाको नेतृत्व ओलीले गरेका छन् भने अर्कोको नेतृत्व प्रचण्ड र माधव नेपालले गरेका छन् ।
बहुमत केन्द्रीय सदस्यहरु आफूतिर रहेको दाबी गर्दै आएको प्रचण्ड-माधव समूहले ओलीलाई अध्यक्षबाट हटाएर माधव नेपाललाई अध्यक्ष बनाएको छ । ओली समूहले पनि प्रचण्ड-माधव पक्षका नेताहरुलाई हटाउँदै संगठन पुनर्गठन गर्दै आएको छ ।

 

Next Post

बेरोजगार युवा उद्यमि बनाउन सहुलियतपूर्ण कर्जा

२७ माघ २०७७, मंगलवार ०८:१७
दैलेख | महाबु गाउँपालिकाले बेरोजगार युवा उद्यमि बनाउन र सहुलियतपूर्ण कर्जा सहजीकरणको लागी सात दिने तालिम दिएको छ। राष्ट्रिय युवा परिषद्, राष्ट्रिय वाणिज्य बैंक, र महाबु गाउँपालिकाको साझेदारीमा सञ्चालित “सहुलितपूर्ण कर्जा सहजीकरणको लागि उद्यमशीलता तथा वित्तीय साक्षरता कार्यक्रम बिहिवार सम्पन्न भएको हो। उक्त कार्यक्रममा राष्ट्रिय युवा परिषद बाट प्रशिक्षण गराउन […]