दैलेख । दैलेखको भैरवी गाउपालीका स्थित दोबिल्ला शिलङ्गी लिफ्ट खानेपानी आयोजनाको प्रारम्भिक सर्भेको काम सकिएको छ ।
सङ्घीय खानेपानी मन्त्रालय अन्तर्गत करिब १५ करोड बढीको लागतमा निर्माण गर्न लागिएको लिफ्ट खानेपानी आयोजनाले गाउँपालिका वडा नं. ३, ४ र ५ का करिब १५ सय घरधुरी लाभान्वित हुने जनाइएको छ ।
भैरवी गाउँपालिका वडा नम्बर ४ का बडा अध्यक्ष वीरेन्द्र बहादुर शाहीका अनुसार चुनावताका एमालेले घोषण गरेको एक घर एक धारा अभियान अन्तर्गत दोबिल्ला शिलङ्गी बृहत् लिफ्ट खानेपानी आयोजनाको काम यसै आर्थिक वर्षबाट अघि बढ्ने छ ।
उक्त आयोजना बने पछि भैरवीका करिव १५ घरधुरि लाभान्वित हुने र स्थानीय सरकार सञ्चालन भएबाट भैरवीमा जनताका आवश्यकतालाई मध्यनजर गर्दै जनप्रतिनिधिले काम गर्दै आएको बताउदै शाहीले आगामी दिनमा जनता सामु गरिएका बाचा अनुसारनै अघि बढ्ने बताउनुभयो ।
