काठमाण्डौ । युएफा कन्फरेन्स लिग फुटबल प्रतियोगितामा टोटनह्याम हट्सपरले पहिलो जित निकालेको छ । गएराती भएको खेलमा स्लोभेनियाको एन.एस मुरा फुटबल क्लबलाई ५–१ ले हराउँदै इंग्लीश टोली टोटनह्यामले पहिलो जित निकालेको हो ।
खेलमा टोटनह्यामलाई विजयी गराउन सब्सटीच्युट खेलाडी ह्यारी केनले २० मिनेटको अन्तरालमा ह्याट्रिक गरे । युएफा कन्फरेन्स लिग युरोपेली क्लब फुटबलको तेस्रो श्रेणीको प्रतियोगिता हो । च्याम्पियन्स लिग र युरोपा लिगमा छनौट हुन नसकेका टोलीहरुले यो प्रतियोगितामा प्रतिस्पर्धा गर्दछन् ।
कन्फरेन्स लिगकै अन्य खेलहरुमा इटालीको ए.एस रोमाले युक्रेनको जोर्या लुहान्स्कलाई ३–० ले हराउँदा जर्मनीको युनियन बर्लीनले इजराइलको मकाबी हाइफालाई ३–० ले पराजित ग¥यो । गएराती नेदरल्याण्ड्सको फेयनुर्ड र डेनमार्कको एफ.सी कोपनहेगन पनि विजयी भए ।
