दैलेख । दैलेखको दुल्लु नगरपालिका–१ तल्लो डुङ्गेश्वर नजिक दुर्गाभवानीको मन्दिर निर्माण गरिएको छ । सुर्खेतको वीरेन्द्रनगर नगरपालिका–५ का ३५ वर्षीय बासु आर्चायले आफ्नो व्यक्तिगत लगानीमा उक्त मन्दिरको निर्माण गरेका हुन् ।
शक्ति पिठ डुंगेल मन्दिर परिसर भित्रै दुर्गाभवानीको मन्दिर स्थापना गरिएको आर्चायले बताए । आर्चायका अनुसार व्यक्तिगत पाँच लाख बराबरको लागतमा दुर्गाभवानीको मन्दिरको स्थापना भएको हो ।
भारतको चण्डीगढबाट करिब एकलाखमा दुर्गाभवानीको मुर्ति ल्याएर मन्दिरमा राखिएको उनले बताए । उनले भने, ‘मेरो व्यक्तिगत लगानीमा निर्माण गरिएको मन्दिरमा घटस्थापनाका दिनबाट पुजापाठ गर्न थालिएको छ । मन्दिर स्थापनामा मेरा ससुरा ‘बा’ पृथबहादुर खड्काको विशेष सल्लाह सुझावमा मन्दिरको निर्माण गरेको हुँ’ ।
आचार्यले पछिल्लो समयमा युवामा हराउँदै गएको धार्मिक परम्परालाई रक्षा गर्नका लागि आफ्नै बलबुतामा लगातार सात महिनाको मेहनतपछि मन्दिरको स्थापना भएको बताए ।
साथै सांस्कृतिको जगेर्ना गर्न युवा शक्ति जाग्नु पर्छ भन्ने उद्देश्यका साथ युवा वर्गमा भएको जोस जाँगरलाई धर्म, कर्ममा समेत लाग्न यसले यसले मद्दत पुग्ने उनको भनाइ छ ।
