नयाँ दिल्लीमा दुई दिन लकडाउन गर्न सुझाव ।।

कर्णालीदृष्टी संवाददाता २७ कार्तिक २०७८, शनिबार १८:२८

काठमाण्डौ । भारतको सर्वोच्च अदालतले नयाँ दिल्लीमा दुई दिन लकडाउन गर्न सुझाव दिएको छ । नयाँ दिल्लीमा प्रदुषणको मात्रा न्युनिकरण गर्नका लागि लकडाउन गर्न अदालतले आज सुझाव दिएको हो ।

भारतका प्रधानन्यायधिश एन भी रमण, न्यायाधिशहरु डि वाई चन्द्रचुडा र सुर्यकान्तको इजलाशले दिएको सुझावको अहिले निकै चर्चा भएको छ ।

हावाको गुणस्तर मापक सूचकांकलाई ५०० बाट कम्तीमा २०० मा झार्नु पर्नेछ, त्यसको लागि एउटा राम्रो उपाय दुई दिने लकडाउन हुनसक्छ, सुझावमा उल्लेख गरिएको छ ।

मानिसको स्वास्थ्यका लागि लकडाउन आवश्यक भएकाले त्यसतर्फ सोच्न सकिन्छ भन्ने प्रश्न पनि न्यायाधिशहरुले गरेका छन् ।

लकडाउनलाई अदालतले तात्कालिन उपायको रुपमा मात्रै लिन आग्रह गर्दै दिर्घकालिन रुपमा समस्याको समाधान गर्ने उपाय भने अरु नै अपनाउनु पर्ने उल्लेख गरेको छ ।

अदालतले अति प्रदुषण भएकाले अहिले बालबालिकाहरुलाई घरबाहिर निस्कन दिनु वा विद्यालय आवत जावत गराउन पनि पुनर्विचार गर्नुपर्ने तर्फ ध्यानाकर्षण गराएको छ ।

चिकित्सकहरुले वायु प्रदुषणले बालबालिकाको स्वास्थ्यमा गम्भीर र दीर्घकालिन असर पर्ने भएकाले त्यस तर्फ विषेश ध्यान दिनुपर्नेमा जोड दिएका छन् ।

Next Post

दैलेखका डीएसपी अनुपम श्रेष्ठको सरुवा, अब भुवनेश्वर साह आउने ।

२७ कार्तिक २०७८, शनिबार १८:२८
दैलेख – जिल्ला प्रहरी कार्यालय दैलेखमा कार्यरत प्रहरी नायव उपरीक्षक डीएसपी अनुपम श्रेष्ठको सरुवा भएको छ । प्रहरी प्रधान कार्यालयले बिहीबार ९५ जना डीएसपीको सरुवा निकालेको हो । प्रहरी प्रधान कार्यालयका अनुसार डीएसपी श्रेष्ठको प्रहरी प्रधान कार्यालय, अपराध अनुसन्धान विभाग नक्साल सरुवा भएको हो । प्रहरी प्रधान कार्यालयले डीएसपी श्रेष्ठलार्य […]

सम्बन्धित समाचार