दैलेख । उद्योग तथा हित संरक्षण कार्यालय दैलेखको आयोजना तथा पुर्व प्रहरी संगठन दैलेखको समन्वयमा ३ महिने सिलाई कटाई तालीमको आज (सोमबार) दैलेखमा उद्घाटन गरिएको छ ।
उद्योग तथा हित संरक्षण कार्यालय प्रमुख कल्पना खत्रीको बिशेष सहयोगमा सूरु भएको ३ महिने तालीमको आज (सोमबार) सदरमुकाममा एक कार्यक्रमको आयोजना गरी नारायण नगरपालीकाका प्रमुख प्रशासकिय अधिकृत रेशम बहादूर बुढाले उद्घाटन गर्नुभएको हो ।
तालीममा पुर्व अमर प्रहरीका सन्तती र पुर्वप्रहरीहरुका एकल महिलाहरु गरी करिव १२ जनालाई समाबेश गरिएको बताईएको छ ।
तालीम उद्घाटन कार्यक्रममा पुर्व प्रहरी संगठन दैलेखका अध्यक्ष लाल बहादूर गूरुङले स्वागत मन्तव्य राख्नुभएको थियो भने कार्यक्रमको सहजीकरण रन कुमारी थापाले गर्नुभएको थियो ।
नारायण नगरपालीकाका प्रमुख प्रशासकिय अधिकृत रेशम बहादूर बुढाको प्रमुख आतीथ्यतामा भएको कार्यक्रम उद्योग तथा हित संरक्षण कार्यालयका शाखा अधिकृत पर्शुराम आचार्यको अध्यक्षतामा भएको थियो ।