दैलेख । लागुऔषध सहित दैलेखमा प्रहरीले दुई जनालाई पक्राउ गरेको छ । पक्राउ पर्नेमा नारायण नगरपालिका ९ साँडुका २५ बर्षिय टोपेन्द्र रावत र भगवतिमाई गाउँपालिका १ को बिनय थापा रहेको जिल्ला प्रहरी कार्यालय दैलेखले जनाएको छ ।
लागु औषधको कारोबार भईरहेको छ भन्ने गोप्य सुचनाको आधारमा प्रहरीले उनीहरुलाई नारायण नगरपालिका ९ स्थित पुरानो बजारबाट नियन्त्रणमा लिएको हो ।
पक्राउ परेका दुवै जनाको साथबाट २९० एमजी पलाष्टिक बाहेकको तौल १३८ एमजी खैरो हिरोइन फेला परेको जिल्ला प्रहरी कार्यालय दैलेखका डीएसपी भुवनेश्वरप्रसाद शाहले जानकारी दिनुभयो ।
पक्राउ परेका दुवै जनालाई थप अनुसन्धानका लागि दैलेख जिल्ला अदालतबाट १० दिनको म्याद थप अनुमति लिई प्रहरी हिरासतमा राखेर अनुसन्धान भइरहेको जिल्ला प्रहरी कार्यालय दैलेखले जनाएको छ ।
