सल्यान । सल्यान जिल्लामा घाँस काट्न गएकी महिलाको रूखबाट लडेर मृत्यु भएको छ । जिल्लाको छत्रेस्वरी गाउँपालिका २ डिग्रे निवासी ५४ वर्यीया भीमा घर्तिको रुखबाट लडेर मृत्यु भएको हो ।
बुधबार बिहान ९ बजे घाँस काट्न निस्केकी घर्ति दिउँसो ४ बजेसम्म घर नफर्केपछि खोज्न जाँदा बुधबार राति घर नजिकै रूखबाट लडेर मृत अवस्थामा भेटिएको जिल्ला प्रहरी कार्यालय सल्यानका प्रवक्ता श्यामप्रसाद यादवले बताउनुभयो ।
घर्तिको शव आज (बिहिबार) बिहान जिल्ला अस्पताल सल्यानमा पोष्टमार्टम गरी परिवारलाई बुझाइएको र घटनाको थप अनुसन्धान भइरहेको प्रहरीले जनाएको छ ।
