दैलेख । नेकपा एमाले दैलेखको नयाँ नेतृत्व छनोटका लागि आज भएको मतदान सकिएको छ । विहान ८ बजे पछि सूरु भएको मतदानमा ७ सय १७ मत खसेको छ ।
कुल ७ सय २१ प्रतिनिधि रहेकोमा ७ सय १७ जनाले मात्रै मतदान गरेको निर्वाचन अधिकृत हिमालयजंग शाहले जानकारी दिनुभयो ।
उहाका अनुसार अहिले मतदान सकिएकाले कति बेलाबाट मतगणना शुरू गर्ने भन्ने विषयमा छलफल भइरहेको र आजै केहीबेरपछि मतगणना सूरु गर्ने सम्भावना रहेको छ ।
नयाँ नेतृत्वका लागि अध्यक्ष पदमा यसअघि छैटौँ जिल्ला अधिवेशनबाट अध्यक्ष बनेका रवीन्द्रराज शर्मा र जिल्ला विकास समितिका पूर्व उपसभापति सूर्यबहादुर शाहीबिच प्रतिस्पर्धा हुदैछ ।
सहमतिका लागि अधिकतम् प्रयास गरेपनि कुनै निकाश हुन नसकेपछि अन्तत मतदानबाट नेतृत्व छनोटका लागि निर्वाचन भएको हो ।
एमाले दैलेखको शुक्रबारदेखी जारी सातौ जिल्ला अधिबेशन अन्र्तरगत उपाध्यक्ष सहित ५ वटा भुगोलमा भने सर्वसम्मत नेतृत्व चयन भएको छ ।
उपाध्यक्षमा नन्दकिशोर बस्नेत निर्बीरोध निर्वाचित भैसक्नुभएको छ । उपाध्यक्षका पदका लागी बस्नेत र आठबिस नगरपालीकाका प्रमुख खड्गराज उपाध्यायको उम्मेद्वारी परेको थियो । उपाध्ययले उम्मेद्वारी फिर्ता लिएपछि बस्नेत उपाध्यक्षमा निर्बीरोध निर्वार्चीत हुनुभएको हो ।
यस्तै पार्टीको जिल्ला सचिवमा रुद्रबहादुर शाही र तिलकप्रसाद रिजालबीच प्रतिस्पर्धा हुने भएको छ । अहिलेसम्म सर्वसम्मत चयन भएका बाहेक बाकी रहेका पादाधीकारी चयनका लागी आज मतदान भएको हो ।
