दैलेख । जिल्ला प्रशासन कार्यालय दैलेखमा कार्यरत केही कर्मचारीलाई कोरोना संक्रमण देखिएपछि कार्यालयको नियमित कामकाज रोकिएको छ ।
कार्यालयमा कार्यरत ४ जना कर्मचारीलाई कोरोना भाइरस (कोभिड–१९) संक्रमण देखिएपछि कार्यालयबाट प्रवाह हुने सबै प्रकारका सेवा बन्द गरिएको दैलेखका प्रमुख जिल्ला अधिकारी हरि प्याकुरेलले जानकारी दिनुभयो ।
कोरोना संक्रमण पुष्टि भएका कर्मचारीहरु उपचाररत रहेको प्रमुख जिल्ला अधिकारी प्याकुरेलले बताउनुभयो ।
उहाका अनुसार प्रशासन माकार्यरत अन्य कर्मचारीहरुमा समेत कोरोना संक्रमणको लक्षण देखिएपछि परीक्षणको क्रममा रहेको र सेवा ग्राहीहरुको स्वास्थ्य सुरक्षा र संवेदनशीलतालाई मध्यजनर गर्दै भोली माघ १७ गते सोमवारदेखि माघ २१ गतेसम्मका लागि सेवा प्रवाह बन्द गरिएको हो ।
कार्यालयका अनुसार मुद्धा, विपद् व्यवस्थापन र शान्ति सुरक्षाका सेवा प्रवाहहरु भने नियमित रुपमा सञ्चालन हुनेछन ।
यस्तै राष्ट्रिय वाणिज्य बैंक दैलेखमा कार्यरत कर्मचारीमा पनि कोरोना संक्रमण देखिएपछि माघ १४ गते शुक्रबारबाट नै एक हप्ताका लागी सेवा बन्द गरिएको छ । बैंकमा कार्यरत अधिकाँश कर्मचारीलाई कोरोना पुष्टि भएपछि सेवा बन्द गरिएको बैंकले जनाएको छ ।
लामो समय कोरोना संक्रमितको संख्या शुन्य रहेको दैलेखमा पछिल्लो समय संक्रमणको दर बढ्न थालेको छ । आज (आईतबार) सम्ममा जिल्लामा ९० जनामा संक्रमण पुष्टि भईसकेको स्वास्थ्य सेवा कार्यालय दैलेखका निमित्त स्वास्थ्य सेवा व्यवस्थापक थीरप्रसाद रेग्मीले बताउनुभयो । उहाका अनुसार सबै संक्रमितहरु अहिले होम आइसोलेसनमा रहेका छन ।