दैलेख । नेकपा (एकीकृत समाजवादी) पार्टी महाबु गाउँपालिका कमिटिका सचिव प्रकाशराज थापा नेपाली काँग्रेसमा प्रवेश गर्नुभएको छ ।
कम्युनिष्ट पार्टीको राजनीतिक पृष्ठभूमि बनाएका थापा शुक्रवार नेपाली काँग्रेसमा प्रवेश गर्नुभएको हो । थापा २०७४ मा भएको स्थानीय तह निर्वाचनमा महाबु गाउँपालिका वडा नम्बर २ को वडाध्यक्षमा नेकपा एमालेको तर्फबाट चुनाव लड्नुभएको थियो । उहाँ नेपाली काँग्रेसका रामकृष्ण गुरुङ्गसँग पराजीत हुनुभएको थियो ।
काँग्रेस प्रवेश गर्नुभएका थापालाई नेकपा एमाले विभाजनपछि गठित नेकपा (एकीकृत समाजवादी) पार्टीको महाबु गाउँपालिकाको सचिवको जिम्मेवारीमा दिईएको थियो । उहाँलाई शुक्रवार काँग्रेस नेताहरुले पार्टीमा स्वागत गरेका छन् ।
