बर्दियामा बँदेललाई मार्न राखेको विद्युतीय करेन्टको पासोमा परेर एकै परिवारका तीन जनाको ज्यान मृत्यू भएको छ । बँदेल मार्नका लागि राखेको करेन्टको पासोमा परेर बर्दीयाको ठाकुरबाबा–३ का ३२ वर्षका बालकृष्ण थारु, उनकी २९ बर्षीय श्रीमती सुनिता थारु र उनकी ४३ बर्षीय भाउजु बेलमती थारुको मृत्यू भएको बर्दिया प्रहरीले जनाएको छ ।
शुक्रबार राति १० बजेतिर एक जनालाई करेन्ट लागेको र बचाउने क्रममा अरु दुई जनालाई पनि करेन्ट लागेर मृत्यू भएको हो । पासो थाप्ने ८३ वर्षका राजबहादुर शाहीलाई प्रहरीले पक्राउ गरेको छ ।
धान खेतमा बँदेलका लागि थापेको विद्युतीय पासोमा करेन्ट लागेर एक जनाको मृत्यू भएको थाहा पाएलगत्तै खेतमा विद्युत् प्रवाह गरेका वृद्ध आफैँले घरपरिवारमा जानकारी गराएका प्रहरीले जनाएको छ । घटनाबारे थप अनुसन्धान भइरहेको इलाका प्रहरी कार्यालय भुरिगाउँका प्रहरी निरीक्षक कविराज रोकायाले बताए ।
बँदेललाई थापेको पासोमा परी बर्दियामा तीन जनाको मृत्यू ।।
कर्णालीदृष्टी संवाददाता
२ आश्विन २०७८, शनिबार ०८:११
